Lirik Lagu Manado Terlengkap

LIRIK Lagu Manado kami tampilkan dalam Kumpulan Lirik Lagu Manado Terlengkap ini karena tingginya minat dan pencarian perihal lirik lagu Manado via search engine. Daftar lirik lagu Manado ini akan terus diupdate, sehingga akan terkumpul ratusan lirik lagu, dari lagu yang paling lawas hingga lagu Manado terbaru.

Inilah Lirik Lagu Manado Terlengkap versi ManadoBaswara.com. Selamat bernyanyi!

 

(1) Sapa Suruh Datang Jakarta

(Dipopulerkan oleh Melky Goeslaw)

Adoh kasiang eh mama…

Jao-jao merantau

Mancari hidop mama

Nasib tidak beruntung

Siang dan malam eh mama

Jalan kasana kamari

Sanak saudara mama

Samua tidak peduli

Reff:

Sapa Suruh Datang Jakarta (2x)

Sandiri suka sandiri rasa

Eh doe sayang…

(back to reff)

Sungguh tiada kuduga

Hidup akan merana

Tinggalkan kampung di desa

dapatkan gubuk di kota

 

(2) Balada Pelaut

(Cipt. Ferry Pangalila | Dipopulerkan oleh Connie Maria Mamahit)

Sapa bilang pelaut mata keranjang

Kapal bastom lapas tali lapas cinta

Sapa bilang pelaut pamba tunangan

Jangan percaya mulut rica-rica

So balayar sampe so ka ujung dunia

Banya doi… baroyal abis parcuma

Dorang bilang pelaut obral cinta

Dompet so kosong baru inga rumah

Reff:

Mana jo ngana pe sumpah

Mana jo ngana pe cinta

So samua kita pe punya

Ngana so minta…

Kita bale ngana so laeng

Kita bale ngana so kaweng

Cikar kanan…Vaya Condios cari laeng

 

(3) Kota Manado yang Ku Cintai

(Cipt. NN)

Kota Manado yang ku cintai,

kita nyanda mo lupa

Dari kita masih kecil,

sampe kita so besar,

jaga pigi di kobong

Makang batata rubus,

colo deng dabu-dabu,

adodo pe pidis skali

Cari air nyanda dapa,

minum air kalapa muda

adodo pe sadap skali

 

(4) Papa Kaseh Tinggal

(Cipt. Jansen Patiro | Dipopulerkan oleh Isti)

Brapa puluh taon, lalu kita masih kacili

Mama masih polo-polo, papa so kaseh tinggal

Kita manangis satu malam, dapa inga pa papa

Mama kurang buju-buju… sapu-sapu di kapala

Reff:

Skarang torang so basar, so tau mancari

Mama so lebeh sanang, mama kita sayang

Skarang papa mo bale, mama so nimau

Papa kurang murung-murung, nintau mo beking apa

** Kita manangis satu malam, dapa inga pa papa

Mama kurang buju-buju sapu-sapu di kapala

 

(5) Poco-Poco

(Cipt. Arie Sapulette | Dipopulerkan oleh Yopie Latul)

Balenggang pata-pata

Ngana pegoyang pica-pica

Ngana pebody poco-poco

Cuma ngana yang kita cinta

Cuma ngana yang kita sayang

Cuma ngana suka bikin pusing

Ngana bilang kita na sayang

Rasa hati ini malayang jauh dija dija

Biar ngana kita pebayang

Biar na bikin layang layang

Cuma ngana yang kita sayang

 

(6) So Nyanda Guna

(Cipt. Maxi Owu | Dipopulerkan oleh Debby Rumintjap)

Dari dulu, so dari dulu kita so bilang

Cuma ngana yang kita sayang

** Manyasal skali, manyasal skali

Ngana putar bale

Ngana sayang pa orang laeng

Reff:

So nyanda guna, so nyanda guna

Ngana mo manyasal sayang

Ngana pe beking-beking pa kita, pa kita

so talanggar skali

So nyanda guna, so nyanda guna

Ngana mo manyasal sayang

Kita pe hati, so saki, so saki

So saki skali

 

(7) Arang Tampurung

(Cipt. Gunawan & Wandy I. | Dipopulerkan oleh Gunawan)

Sungguh mati kita nya sangka kalo jadi bagini

Cinta yang lama torang piara

Akhirnya ancor parcuma

Mungkin lantaran kita pemuka nyanda talalu gagah

Ngana pe sayang dulu pa kita, skarang pa orang laeng

Sampe hati ngana do sayang, beking kita bagini

Pe pidis skali kita da rasa, cinta yang ngana da kase

Jangan do sayang, ngana se sama kita deng orang laeng

Yang dulu pernah da beking ancor ngana pe mimpi-mimpi

 

Kiapa dang kita yang ngana da pilih sayang

Cuma lantaran na pe saki hati, pa orang laeng

Kong kiapa dang kita yang ngana beking bagini

So apa do kita pe salah, sampe ngana bapindah hati

 

Reff:

Kotor kotor abu dodika

Lebe kotor ngana pe cinta

Itang itang arang tampurung

Lebe itang ngana pe hati

 

(8) Polo Pa Kita

(Cipt. Wellem Punusingon | Dipopulerkan oleh Connie Maria Mamahit)

Detik-detik terakhir, torang dua baku sayang

Sadiki le torang dua mo baku pisah

** Cuma kita se inga, jangang sampe ngana balaeng

Tunggu kita mo pulang, mo datang ambe

Reff:

Polo pa kita sayang … ciong pa kita sayang

Ini yang terakhir torang dua bakudapa,

bukang untuk mo ba pisah

Polo pa kita sayang … ciong pa kita sayang

Ini yang terakhir torang dua bakudapa,

bukang untuk mo ba pisah (back to **)

 

(9) Hati So Tapela

(Cipt. Nanang R. Matoka | Dipopulerkan oleh Trio Pantera)

Bila ta tengo ngana pe foto

Kita pe dada langsung ba rasa ta pukul

sampe hati ngana kase tinggal kita sandiri

Apa ta pe salah sampe ngana beking bagini

Sapa pe hati nyanda mo ta pela

**

Ta inga ngana pe kalakuang

Kita pe darang langsung ba rasa mandidih

Reff:

Ngana pe janji janji

Cuma beking sorga talinga

Ngana pe kata-kata

Kita so nyanda mo parcaya

Biar ngana mo bale

Hati so ta pela

 

Simak pula: 12 Lagu Manado Terpopuler Sepanjang Masa

 

(10) Datang Ambe Pa Kita

(Cipt. Wellem Punusingon | Dipopulerkan oleh Angel Karamoy)

Taong ba ganti taong

Kita tunggu ngana mo pulang

Sampe skarang ngana sayang, bulung datang-datang

** Kita so nyanda sanggup

Nyanda tahang hidop sandiri

Pulang jo ngana pulang

Datang lia pa kita

Reff:

Jangang ngana se biar,

kita hidop sandiri

Nintau apa lagi yang kita mo bekeng,

kalo ndak da ngana

Pulang jo ngana sayang,

datang ambe pa kita

Kita rindu skali ngana ada deng kita

rupa itu dulu-dulu

back to **

 

(11) Nyanda Mo Balaeng

(Cipt. Demas Ohy | Dipopulerkan oleh Connie Maria Mamahit)

Lantaran ngana cuma dengar orang bacarita

Dorang nyanda kaseh,

nyanda suka torang dua baku sayang

Biar bagini, kita pe hati nyanda mo balaeng

Karna kita pe sayang,

kita pe cinta cuma pangana

Jangan sayang lantaran itu,

torang dua mo ba pisah

Inga kasiang pakita,

jangang sampe bajalang sandiri

Biar jo torang dua,

baku sayang sampe torang sadar sandiri

 

(12) Rindu Ngana

(Dipopulerkan oleh Gloria Trio)

Sapa bilang kita nyanda cinta…

bilang kita so nyanda sayang

kita pe cinta pe rindu pa ngana,

nyanda mo abis-abis

Ada ngana pe nama, ada di hati ini…

itu tanda, yang kita sayang cuma ngana sandiri…

Sapa bilang kita so lupa

bilang kita so nyanda inga,

kita pe cinta, pe rindu, pa ngana,

nyanda mo abis-abis

Ada ngana pe nama ada di hati ini…

itu tanda yang kita sayang, cuma ngana sandiri…

Reff:

Ka..lu rindu… ada kita pe lagu…

Ka..lu sayang.., kita cari ngana pe bayang

Ngana.. pe rupa..nyanda mo..kita lupa

Nan..ti kita di Manado…

 

(13) Biar Jo

(Dipopulerkan oleh Tantowi Yahya)

So lama baku sayang

Kita ndak pernah sangka

Kalo ini mo jadi

Pa kita pe diri

Kiapa nyanda dang dari dulu

Ngana bilang pa kita

Kalo so ada laeng

Bilang jo terus terang

Jangan ngana se ancor

Kita pe cinta

Jangan sayang… Jangan ohh sayang

Kita nimau

Reff:

Jangan ngana se siksa

Jangan ngana se saki

Bilang jo berterus terang

Apa kita pe salah

Bilang jo bilang sayang

Kalo kita yang salah

Biar jo… Oh biar jo

Kita tanggung sandiri

back to reff

 

(14) Cuci Luka Deng Aer Mata

(Cipt. Benny Govindha | Dipopulerkan oleh Alya Masihor)

So deng taong torang da baku sayang

So deng taong torang pe cinta satu

Kita so iko ngana pe mau

Pigi deng ngana se tinggal sudara

**

Skarang samua capat barubah

Laeng dulu laeng sekarang

bisa bisa pa ngana di muka pa kita

Ngana polo deng ciong pa dia

Reff:

Saki sungguh talalu saki

Sampe hati na beking bagini

Luka luka ta pe hati

Ngana so pigi deng orang laeng

Kita cuma bisa mo ba sabar

Biar tu hati so luka

Coba biar jo kita mo coba

Mo cuci luka deng aer mata

kembali ke **

 

(15) Ancor Lantaran Ngana

(Cipt. Karel P./Chika P.)

Reff:

Mana…….sayang mana

dang saya……aang

tiap kali talia pa ngana

ngana ba acuh2 pa kita

rupa nyanda kanal

padahal kita pe diri ini

da ancor-ancor ba gini

lantaran ngana….

Reff ***

Mana…….sayang mana dang

sayang…ng ow uwouooo

ngana pe tanggung jawab

pa kita pe diri yang

so ancor……ancor bagini

mana…. sayang mana

dang sayang…..ng ow uwouooo

Sampe hati ngana beking kita

ta siksa menderita bagini

Kalu memang na sayang pa kita

Kiapa salalu ngana se saki kita pe hati

Padahal kita pe diri ini da ancor-ancor

ba gini lantaran ngana….

 

(16) Pigi Jo Deng Dia

(Cipt. Franky Pankarego | Dipopulerkan oleh Trio Pantera)

Pigi jo deng dia

Pigi jo deng dia

Pigi jo sayang

 

Pigi jo deng dia

Pigi jo deng dia

Pigi jo sayang

Sapa yang nyanda mo sakit hati

Waktu trima tu undangan merah

Undangan voor ngana kaweng

Kaweng dengan dia

 

Kiapa dang dulu nda pernah bilang

Kalo kita dorang nyanda kase

Skarang ini su jadi bagini

Kita mo bilang apa

Reff:

Adoh… kasiang

Sampe hati ngana sayang

Se ancor-ancor bagini kita pe hati

 

Adoh… kasiang

Nyanda sanggup lagi sayang

Pigi jo deng dia

Pigi jo deng dia

Pigi jo sayang

 

Kiapa dang dulu nda pernah bilang

Kalo kita dorang nyanda kase

Skarang ini su jadi bagini

Kita mo bilang apa

Reff:

Adoh… kasiang

Sampe hati ngana sayang

Se ancor-ancor bagini kita pe hati

 

Adoh… kasiang

Nyanda sanggup lagi sayang

Pigi jo deng dia

Pigi jo deng dia

Pigi jo sayang

 

(17) So Manyasal

(Cipt. Nurdais | Dipopulerkan oleh Isty Julistri)

Kalu tau mo jadi bagini

Kita nya’ sayang pa ngana

Kalu tau akhirnya bagini

So lebe bae torang dua batamang

** Kita nya’ sangka torang pe cinta

Ba cabang-cabang bagini

Kita nya’ sangka torang pe hati

So lebe jao baharap torang pe cinta

Reff:

Baru bulan desember yang lalu

Torang baku dapa baku sayang

Kiapa musti ngana kiapa musti kita

Yang orang so punya

Jujur hati ini mo bilang pa ngana

Kita so manyasal so manyasal

so manyasal kiapa sayang pa ngana

kembali ke **

 

Simak pula: 9 Lagu Manado Paling Galau

 

(18) Ampas Kalapa

(Cipt. Jafet Pendelaki | Dipopulerkan oleh Isty Julistry)

Kita bukang ampas kalapa

Ngana ramas ngana buang

Ta sisa santang kong na mo beking minya…

Kita ini na da tanya

kita ini na da kaweng

Jang bagitu jang na mo ba tai minya…

Serta so abis itu manis

Ngana bilang faya kondios

Na kira kita na pe… tampa ba singgah….

Bukang main na pe hati

Bukang gapang na pe rupa

Baba diang nintau seng dai mo lari…

Reff:

Ngana kira kita ampas kalapa

Na ramas na buang

Ta sisa santang kong na mo bekeng minya…

Memang ngana so banya… tai minya…

kita ini ngana da pilih sandiri

Bukang tampa ba colo…

Deng bukang tampa batera cinta palsu

Jangan ngana mo se anfal tu cinta…

**

Kiapa kong nda dari dulu

Waktu torang ba tunangan

Nyanda mo bilang kalu blum suka kaweng…

Serta skarang tong so kaweng

Ngana stel mo kore laeng

Bukang main na mo se angus itu cinta

kembali ke Reff

 

(19) Bukang Orang Pe Sisa

(Cipt. Karel P. | Dipopulerkan oleh Isty Julistry))

Jangan ngana bilang sayang

Kita ini orang pe sisa

Sungguh mati sayang

Kita ini masih poco-poco

**

Memang dulu kita pernah

Baku sayang deng orang laeng

Tapi cuma sampe di baku sayang

Kalu ngana nyanda parcaya

Boleh ngana raba-raba dada ini

Kalu ngana nyanda parcaya

Boleh ngana bala kita pe dada

Kalu kita ba dusta

Kalu memang orang pe sisa

Binci-binci jo pa kita sampe mati

kembali ke **

 

(20) Kalu Nda Jodoh

(Dipopulerkan oleh: Angelina Ruby Lasut)

Biar nda jadi nda apa-apa

Asal ba togor akang kalu bakudapa

Nyanda usah mo babuang muka

Kita ley mangarti kiapa so bagini

**

Kalu nda jodoh biar mo paksa

Apalagi kalu hati mulai barobah

Mungkin so talalu lama da ba tunggu

Mo datang maso minta pa kita sayang

Reff:

Mungkin memang ngana terlambat

Bawa samua bukti ngana pe janji

Cuma kalu ngana

Capat sadiki ley sayang

Bukang-bukang dia

Mungkin ngana sayang

Yang kaweng deng kita

kembali ke **

kembali ke Reff

 

(21) Tajang Sama Deng Silet

(Cipt. Renny Tamara | Dipopulerkan oleh: Poppy)

Cintaku, pe sampe hati

Na pigi deng dia

Apa kita pe salah

Apa kita pe dosa

**

Sayangku, jang na rekayasa

Torang pe cinta ini

Cuma karna ada hadir

Orang ka tiga

Reff:

Pikir jo bae-bae

Jang sampe na ta colo

Inga torang pe janji

Sehidop semati

Jang cuma lia depe muka fasung abis

Nintau tajang sama deng silet

kembali ke **

kembali ke Reff

 

(22) Mata Karanjang

(Cipt. Gunawan | Dipopulerkan oleh: Gunawan)

So abis ta pe cara
Mo ba minta pa ngana
So abis ta pe harap
Mo suruh sayang pa ngana

Ilang so ilang cinta
So ta ganti deng binci
Ngana yang paksa sandiri
Kita mo lupa pa ngana

Biar mo kase lia
Muka kasiang pa kita
Kita pe hati deng jantong
nyanda mo ta kore sayang

Ta lalu banya tu saki
Yang ngana taru di hati
Skarang so parcuma sayang
Ngana manangis manyasal

Reff:

So itu jangan sayang
Talalu mata karanjang
No ngana rasa jo akang
Saki hati di hianati

Mo bale kita so laeng
So nyanda cinta pa ngana
Kurang boleh ngana sayang
Ba hitung joch bintang di langit

 

(23) Kiapa so

(Dipopulerkan oleh: Conny Mamahit)

Kiapa so

ngana mo beking pa kita

Kiapa so musti jadi bagini

Ta nyanda sangka

ta nyanda kira

Ngana pe hati so ba laeng

***

Manyasal terlanjur cinta pa ngana

Manyasal terlanjur sayang pa ngana

So sampe hati ngana pigi

deng orang laeng

Reff:

Kita baharap bisa kaweng deng ngana

Kita baharap bisa hidop deng ngana

Samua so ancor ancor bagini ngana so pigi

deng orang laeng

kita baharap bisa plo pa ngana

Kita baharap bisa sayang pa ngana

Kita di sini setia pa ngana

Sementara ngana di sana so cari laeng

tapi nyanda apa-apa pa kita

kita tarima walau saki di hati

back***

 

(24) Kita Manangis

(Dipopulerkan oleh: Isty Julistry)

***

Kita manangis

Bukang lantaran putus cinta

bukang sayang bukang lantaran itu

Kita mangarti beban yang ngana simpan di dalam hati

Putus cinta bukang ngana pe mau

Reff:

Yang beking kita managis

ngana musti paksa diri

trima orang laeng

tampa ada cinta

tampa ada sayang

Demi orang tua sayang

Ngana rela korban cinta

Sungguh mati sayang

ta nya simpang marah

asal demi orang tua

back to ***

 

(25) Danau Tondano

(Dipopulerkan oleh: Debby Rumintjap)

Menyendiri di senja hari

Duduk melamun di terpa angin

Angin sejuk sesejuk alamnya

Danau Tondano yang indah

***

Terbayang kembali masa lalu

Masa indah penuh kenangan

Berjanji tak akan berpisah

Oh indahnya cinta

Reff:

Tak mungkin terulang kembali

Cinta mu telah kau bawa pergi

Bersama dengannya pengganti diriku

Oh dinginya hati ku ini

Sedingin air danau Tondano

back to***

 

(26) Merah Menahan Binci

Ngana lia merah kita pe hati

Panas sama deng barah batahang binci

Lantaran ngana pe beking-beking pa kita

Sampe mandidi kita pe darah

***

Ngana so tau talalu sayang kita pa ngana

Apa yang ngana minta kita so kase

Jangan kan hati napas pun kita so kase

Sampe hati ngana bagitu

Ada lei kita pe cinta pa ngana

Ada le kita pe sayang pa ngana

atau mungkin so kase pa laeng

Pigi-pigi jo ngana jao dari pa kita

back to ***

 

 (27) Bintang Kejora

 ***

Laki-laki

Biar saribu cinta di langit

Cuma satu bintang kejora

Biar saribu cinta di mata

Cuma ngana yang ada di hati

Perempuan

Jujur sayang yang ngana bilang

Beking sanang  kita pe hati

Asal samua yang ngana  bilang

jujur dari ngana pe hati

Laki-laki

Percaya akang pa kita sayang

balah ni dada kalau nda percaya

Tuhan yang saksi kita pe sumpah

Laki-laki/perempuan

Cinta di hati samua cuma for ngana

Reff:

Laki-laki/Perempuan

Polo kong jang lapas pa kita sayang

jangan ngana se biar sandiri

Susah sanang harus torang dua rasa

itu ngana inga akang

Laki-laki

Samua harap so gantong pa ngana

Janji jang sampe torang dua bapisah

back to ***

 

(28) Jangan Beking Kita Tagantong

Cuma beking hati saki

Inga-inga dia ada di jao

Nyanda kabar nyanda surat

pa kita… Beking kita batunggu-tunggu

**

Kalo memang ngana so nemau

jangan beking kita tagantong

Cuma tunggu-tunggu jo pa ngana

sampe kita tua percuma

Reff:

Kalu ngana di jao so ada

yang ngana sayang

Jangan ngana inga-inga pa kita

Kita memang so ada yang laeng

yang mo ganti ngana pe sayang

 

(29) Undangan Untukku

(Dipopulerkan oleh: Lola Drakel)

Di tengah gelombang laut

Aku musti berlayar

Demi cinta demi kesetiaanku

Badai dan ombak ku terjang

Tiada bimbang tiada ragu

Demi cinta demi kasih sayangku

Berdoalah kasih demi perjalananku

Bersabarlah sayang sampai aku kembali

Tapi kini apa yang terjadi

malangnya nasibku

Kau kirim undangan untuku

Kau akan menikah

Sakit sakitnya hati ini

Apa salah ku

Kau telah bersanding

dengan sahabat karibku

 

(30) Ofu Malendong Akang

Ado kasiang… kasiang…

Kita tertipu lagi…

Ngana pe kata manis.. ngana pe janji-janji

cuma bekeng sorga talinga

Memang dari dulu kita so dengar

Ngana pe kalakuang di sana sini

Samua parampuang yang pernah deng ngana

Nyanda ada yang nyanda kecewa oh… oh…

**

Dari dulu kita nyanda parcaya

Orang-orang ja bacirita

Skarang kita so rasa

Skarang ta so alami

Ternyata ngana memang buaya darat

Reff:

Ado kasiang, kasiang…

kita tertipu lagi

Ngana pe kata manis.. ngana pe janji janji

cuma bekeng sorga talinga

Ado kasiang, kasiang…

kita tertipu lagi

Cuma kita berdoa for ngana buaya darat

Satu waktu ngana ofu malendong akang….

back to **

 

(31) Satu Kadera Tiga Orang

(Dipopulerkan oleh Nova Sondakh)

Untuk apa ngana ka sini

Datang for minta maaf

Sedangkan cinta yang ada pa ngana

Bukang pa kita lagi

**

Memang ta tau tu waktu itu

Ngana da bekeng salah

Tapi sekarang samua itu

Kita so lupa akang

Reff:

Yang lalu biar jo berlalu

Jangang ngana ungkit ungkit lagi

Karna sekarang ngana deng kita

So nyanda rupa dulu

Ngana di sana so ada yang laeng

Kita di sini so ada yang punya

Manalah mungkin satu kadera

Torang tiga mo duduk akang…

back to **

 

(32) Memori Dego Dego

(Dipopulerkan oleh: Angel Karamoy)

Sedih kita pulang di Manado

Tu dego dego deng pohong bulu

So nyanda ada

Kita ba Tanya pa birman birman

Cuma maruku

Dorang bilang

kiapa skarang baru bale

**

Banjir tiga puluh November

tu dego dego deng pohong bulu

aer so bawa

talalu lama dia manangis

tunggu pa ngana

kong tatumpa

jadi banjer di Manado

Reff:

Kabur aer di kuala

Cinta yang ngana da  kase

Tarang boleh ba kaca

Dingin sama deng ombong

Itu kita pe cinta

Cinta bukang karamba

Putus tali iko guhi

Apa hendak dikata

Memori pohong bulu

Jadi malapetaka…

back to **

 

(33) Dego Dego Tua

(Dipopulerkan oleh: Demsi & Vivin)

Sampe tempo apa kita bagini

Duduk sandiri da tunggu pa ngana

Di dego dego torang dua ba janji

Nyanda mo baku lupa biar so jao

**

Kita lei di sini rindu pa ngana

Ta siksa tu hati rindu di sana

Memang Cuma ngana

yang paling kita sayang

Cuma ngana yang kita da rindu rindu

Reff:

Dego dego tua saksi torang pe cinta

Nyanda mo ta lupa biar orang mo goda

Dego dego tua saksi torang pe janji

Tetap so di hati sampe mo bawa mati

Dego dego tua jadi teman setia

Tampa hapus rindu kalu inga pa ngana

 

(34) Bangku Panjang

(Dipopulerkan oleh: Isty Julistry)

Biar ta coba mo lupa akang pangana

mar kalo mo tabayang barasa sampe di hati

kita memang sadar so ne bole baku tahang

biar ni hati masi ta simpang cinta

rindu deng sayang

***

Bangku panjang tampa torang batona akang

skarang sunyi sandiri so nyanda yang dudu akang

pe manis kenangan waktu torang batunangan

mar skarang so ada dia antara

pa torang dua

Reff:

Pe saki ngana do pe sampe hati

sama deng ngana da iris ni diri nyasangka

ngana pe kalakuan bagini

batona akang tape tamang sandiri

malele aer mata saki hati

mar cinta sapa yang boleh

mo larang smoga ngana nyarasa yang

takase rasa bangku panjang saksi

ngana pe putar bale

back to ***

 

(35) Mama Kita Sapa Pe Anak

So dari dulu kita

mo tanya kiapa kita

cuma tinggal deng mama kong saban malam

mam ba jalan pulang amper siang

***

kong mama bilang juga pa kita

kalu kita ini so batunagan

kalu mo kawaeng mo jawap apa

pa orang orang

yang maso minta

mama kita sapa pe anak

Ooo mama tape papa yang mana

dari kacili kita cuma denga mama

nentau papa di mana

Hooo mama bilang akang pa kita

Ooo jangan simpang slalu di hati

kalu kita ini cuma anak satu satunya

back to ***

 

(36) Adu Ehh Tu Om

Bukang main depe gagah tu om

di sablah rumah

Biarleh so rambu putih tapi rupa anak muda

Tiap kali tamo lewat  tu om salalu ba pange

Kong dia mo tatawa  kita leh iko tatawa

Reff:

Adu-adu ehh tu om beking kita penasaran

Tiap kali somo tidor cuma tatabayang om pe muka

Adu-adu ehh tu om kiapa kong gagah bagitu

Manyasal-manyasal skali sama-sama so tua

Tiap kali tamo lewat  tu om salalu ba pangge

Kong dia mo tatawa kita leh iko tatawa

 

(37) Dulu Kita Sayang

(Dipopulerkan oleh: Isty Julistry)

Talalu jujur kita pe cinta

Talalu sabar kita pe hati

Cuma manyasal samua ini

Ngana nyanda pernah mo mangarti

**

Kalo dulu ngana nyanda bilang cinta

Kalo dulu ngana nyanda bilang sayang

Ini hati nyanda mungkin bagini

Ba harap mo sayang pa ngana

Reff:

Manyasal kita pe cinta kita pe sayang

Pernah satu parahu deng ngana pe hati

Kalo dulu kita tau kita da rasa

Ngana pe kalakuang oh sayang…

Kalo dulu ngana yang paling kita sayang

Tapi skarang so paling kita binci…

back to **

 

(38) Kiapa Ba Badiang

Kalau tu bulan dapa bicara

Boleh ngana tanya tentang kita

Kita pe hati, kita pe cinta

Cuma pa ngana sayang

So bagini lama torang dua

Nyatanya ngana cuma ba dusta

Kiapa ba badiang

Kiapa nyanda bilang

Kalu so deng dia

sampe hati ngana ba gini

beking ancor kita pe hati

leba bae torang ndak jadi

kalu tau mo bagini

Biar saki kita pe hatiK

Kita rela ngana deng dia

Cinta yang ada di hati

Kita simpang sandiri

Cinta yang ada pakita

Kita simpang sandiri

 

(39) Burung Bajingan

(Dipopulerkan oleh: Angelina Lasut)

Ado kasiang

kita pe burung

Kiapa ngana dang so jadi bagini

Dorang so pitik di pila-pila

Lantaran da pi batera di sana

 

Kita pe burung

yang kita sayang

Ternyata bukang

burung yang setia

Terbang malam bateto lari

Pulang pulang

Luka tu pila-pila

 

Untung dorang

Nda pitik

Nyanda kana di kapala

Untung dorang nda bage

ngana deng senjata angin

 

Ngana satu-satunya

burung yang kita sayang

Ternyata ngana

 

(40) Bukang Burung Bajingan

Sayang… jang ngana

asal batuduh

Kita pe burung

yang ngana sayang

bukang burung bajingan

***

Ngana so salah sangka

ta pe burung ndak pernah

batera di sana

kita so lupa bilang

kita pe burung

da talapas Lupa da ika

back to reff

 

Jang ngana asal ba bilang

Kita pe burung ini sungguh setia

Jang ngana asal ba tuduh

Kita pe burung

so terbang kasana kamari

Memang kita akui

Kalo pa ngana

ta pe burung kadang batera…

back to ***

 

41. Torang Samua Basudara

(Cipt. Rama Aiphama)

Suda so dari dulu
kitorang memang baku sayang
Opa deng oma so kase contoh
sampe tua baku sayang.
Uti so kaweng deng keke
Nou so kaweng deng ungke
Kitorang jadi basudara
Satu rasa rica-rica deng dabu-dabu

Manado deng Gorontalo
kitorang baku sayang
Sanger deng Bolang Mongondow
Kitorang samua basudaraaaa
Cita torang baku cinta
Sayang torang baku sayang
karna torang satu Sulawesi Utara

 

42. Gadis Pujaan Hati (Lorong Malendong)

Kita nyanda mo lupa

Waktu torang baku dapa

Kita lia pa ngana

Ngana balas deng tatawa

Hmhmm…

Ngana gadis pujaan hati

Gadis idaman semua lelaki

Andai ngana suka pa kita

Sungguh bahagia hidup ini

 

Reff:

Tapi nyanda mungkin itu mo terjadi

Karna ngana sayang so ada yang laeng

Kita pe harapan, kita pe doa

Smoga ngana bahagia… ow.. Oww…

 

Kini hancur sudah kita pe harapan

Mo sayang pa ngana gadis pujaan hati

Biar waktu yang jawab kita pe doa

Cause everythings gonna be ok…

 

Back to  *

Reff…

 

43. Cincin Kaweng

(Dipopulerkan oleh: Isty Julistry)

Cincin kaweng yang kita lia
Pa ngana pe jari manis..
Beking kita pe hati ta pukul
Itu tanda ngana so orang punya

Inga dulu ngana mo pigi jaoh
Satu kata, ngana bilang pa kita
Tutu jo tu hati, jangan trima lagi
Cinta orang laeng

**
Kita dengar, ngana so bale ulang
Kita baharap, torang mo baku dapa
Nintau, ngana nyanda sandiri
So ada yang ba iko…

Reff
Cincin kaweng yang kita lia
Pa ngana pe jari manis…
Beking kita, pe hati, ta pukul
Itu tanda ngana so ada laeng…

Tega skali ngana beking bagini
Ngana se ancor kita pe hati…
Ngana yang suruh tutu tu hati
Nintau, itu, cuma di bibir…

 

back to **

Reff
Cincin kaweng yang kita lia
Pa ngana pe jari manis…
Beking kita, pe hati, ta pukul
Itu tanda ngana so ada laeng…

Tega skali ngana beking bagini
Ngana se ancor kita pe hati…
Ngana yang suruh tutu tu hati
Nintau, itu, cuma di bibir…

 

44. Body Konteiner

(Cipt. Benny G./Mr. Juve | dipopulerkan oleh Exizz)

Laki yang mana nyanda mo bagila

Laki yang mana nyanda mo bahugel

Mo suruh diet ngana bilang sudah

Mo suruh fitnes ngana so lupa

 

**

Kalo mo tidor manggoro rupa sapi

Kalo mo makang abis tiga piring

Cuma mo inga dapa darah tinggi

Kalu na mati kita jadi duda

 

Kalu cuma diet kita so bekeng

Kalu cuma fitnes kita so iko

Kalu cuma makang kurang ja tahang

Kalu mo ba camu kurang ja bapilih

 

Kong Kiapa dang ngana so lebe bangka

Kong kiapa do ngana so rupa gajah

Laki laki mana yang mo rela

Bini pe bodi so rupa konteiner

 

Back to **

 

45. Manis Ngana Pe Bibir

(Dipopulerkan oleh: Febiola)

Kalau cinta, bilang cinta..
Kalu.. ngana sayang, bilang sayang
Kita pe hati, cuma pa ngana, seorang diri

Kalau ngana bilang rindu
Ngana bilang akang rindu pa kita
Kita pe hati cuma pa ngana
yang kita cinta cuma pa ngana
yang kita sayang cuma pa ngana sandiri
di kita pe hati

Reff:
Manis manis ngana pe bibir, ngana bilang cinta
Manis manis ngana pe hati, ngana bilang sayang
Skarang ngana so pigi jao, kase tinggal pa kita
sampe kita ancor bagini …. (kembali ke )

 

Itulah Lirik Lagu Manado Terlengkap yang akan diupdate menjadi ratusan lagu. Dan, jika Anda ingin mencari tahu arti/terjemahan lirik lagu Manado tersebut, sebaiknya pelajari terlebih dahulu perihal Bahasa Manado Sehari-hari atau bisa langsung ke sini. 

 

 

Lihat juga:

 

Bahasa Manado Sehari-hari

Idiom & Istilah Populer Bahasa Manado

 

 

Calvyn MHT

digital marketer, startup developer, seo analyzer, publisher | driven by heart | 0812 8069 8459 – SMS before please

“Sepanjang masih hidup & kuatnya ikhtiar, Anda bisa beruba...

Related Post

thumbnail
hover

Tarif ke Bunaken Saat Ini

Akhir tahun 2017 sudah di depan mata. Masa ini adalah masa liburan Natal dan Tahun Baru; Saat yang pas menuju ke Taman Laut Bunaken, salah s...

thumbnail
hover

Bunaken, Sejatinya Taman Laut

BUNAKEN adalah ikon wisata Manado yang utama. Tidak seperti Bali, yang terkenal dengan panorama pantainya, Bunaken dikenal sebagai tujuan wi...

thumbnail
hover

Bahasa Manado Paling Dicari Sepanjang 2017

Tak terasa tahun 2017 segera berakhir. Dan sejumlah kosakata Bahasa Manado paling dicari sepanjang 2017 via Google, terdata pula oleh situs ...

Leave us a comment

logged inYou must be to post a comment.